PANCRAZIO COMBI - MOLIINÉE
Ispirato a personaggi del mio ambiente famigliare. Pancrazio Combi è un mugnaio che vive a Colico nella seconda metà dell'ottocento. Famiglia originaria della Valsassina e di madre bergamasca. Il Combi è un personaggio che sembra "uscire" dalle pagine dei grandi romanzieri dell'Ottocento.
PANCRAZIO COMBI - MOLIINÉE
Pancrazi Combi o Brancàt come se diseva en dialet bergamasch, el dialet de so màder,l'era un omm grand e rodondett, tant che quaj volt per schersà el ciàmaven el "combol".
L'era un omm decis e fort che 'l lavorava de "steli a steli": el se fermava noma per disnà.
Poeu l'era semper li tacàa al so molin, anca se 'l so fradèl Angel el l'aidava insema a duu garzon.
Pancrazi con la gent el parlava poch: i "malign" i diseven che la roba che el faseva pussé volontera l'era cuntà i danée a la fin de la giornada.
Al venerdi e al sabat el faseva i consegn ai client con el so car tiràa d'on caval un poo vecc e bols. Ma se saveva i cavai dei molinée i eren semper vecc e strach.
Brancat el gh'aveva giamò quasi 40 ann quando l'aveva toeu miée: una dona de Delebi, on paes de Valtelina.
Lisa, come la se ciamava, l'era verament una bela dona. Tant che in gésa a la domenica i omm de Colech se distraeven un poo: invece de scoltà el prevost, vardaven la "molinera", la miée del Combi.
Augusto Corbelli
